Page:Тюлэй (А. И. Мокшони, 1927).djvu/6

— 4 —

— Осалста максыхть, — пшкэць эсь пачканза Тюлэй, — молян нингэ тяряфтан, — и эзкиэ тусь кутнень ланга.

Коза аф моли, сюдыхть эсонза:

— Мес тон анат? —

Кятнэ пилькнэ кода айжат! Шамацэ братинашка, урдазу пракстат коськихть эсонза! —

Шуфтошка — кандошка серцэ!.. Шэерь сукст седихнень-максотнень севолезь!..

Мес тон анат? Аш кэтнэ пилькнэ штоли работамс?..

Кода тула манца Тюлэйнь нят валхнэ матнесазь. Аф марясы сонцкэ, кода, эсезост пильгонза тухть сэ вастть эзда, коса тяфта сюдыхть.

Сяконь лангс листть цёратнэ да взафтозь пинетнень лангозонза. Аф содасы Тюлэй, ков варчсемс — и тэпэльдэ, и толда пинетнэ...

Якась шимберьф и мезнявок исть макс.

Рэц ломатнэ ярхцахть марш мархта кшеда. Косьфтазь перэ фталда сембэ ваз пулотнень и келу утюфнень. Вачетт сембэ ломатнэ, кода врьгаст.

Коськсь кургозонзна сельгоняц. Машцть сельмя озорконза. Сединц эса, кода сюзялхть потэсть.

— Шкайнэсь!.. Кучт цебэрь ломаннэ кшенэ мархта!... Дямак кад кулома!.. — моторфць эсь пачканза Тюлэй. Уторозонза (каршосонза) киговок мезнявок из пшкэдь.

Кутнэ велеть эса ащесть стак, кода инголэ, ванцть синь ши стяма шири.

Пачкоць Тюлэй церькуть тейс. Ваны попсь манашка мархта лиссь церькуста. Кэцост кептернят пэшксэ пачада и ям пэрякада Сяда курок Тюлэй ласьксь попть инголи, прась плманжа (калена)