Page:Священная история Ветхого и Нового завета на эрзянском (А. Ф. Юртов, 1880).djvu/92

From Wikisource
Jump to navigation Jump to search
This page has been proofread.

— 88 —

5) Талановтъ милостивойтне: сынстестъ какъ Пазъ милостивой ули.

6) Седсэстъ ваньксъ ломатне талановтъ: сынь Пазонь нейсызь.

7) Талановтъ совѣтналгавтыцятне: сынь Пазонь цёраксъ улить.

8) Талановтъ правдань кисъ сюдсесь пансевестне: менелень царствась сыненстъ ули.

9) Талановтъ ульдядо тынь, знярдо Монь кисъ лангсонкъ пейдеме кармить, мурнеменкъ, панемемкъ, эрва кода лангозонкъ кенгелеме кармить. Веселгаледе, радувакшнодо: тынкъ менель лангсо саемась (наградась) пекъ покшъ ули».

 

16. Галилеянь Кана лемсэ городсо свадьбадо.

Іисусъ Христозонь, Наѳанаилонь Эстензэ тонавтыцяксъ саемадо мейле колмо чинь троксъ, тонавтницянзо марто вейсэ Кана городсъ свадьбань налксема таркасъ тердизь. Сонъ Эсензэ свадьбасонть налксемасонзо свадьбанть (мирденень туеманть, урьвакстоманть) баславизе. Свадьбанть налксемстэ кудазорось пекъ визделгалесь: виназо эль маштыль, амейсэ кудатнень каванямсъ тензэ. Пазонь авазо Марія теде чаркодсь да Цёранстэнь ёвтась: «сынстъ винастъ эзь сатотъ», мери. А Іисусъ мерсь тензэ: «эзь сакъ ищо Монь часомъ». Марія неть валтнэде чаркодсь — Цёранзо эсь славанзо невтема шказо эзь сакъ несакъ ищо; сонъ содась Цёранзо кудазоронтень посублямодонзо; мейле