— 22 —
17. Іаковонь цёратнеде.
Іаковонь 12 цёранзо ульнесть. Сынстъ вана кода леместъ: Рувимъ, Симеонъ, Левій, Іуда, Иссахаръ, Завулонъ, Данъ, Нефѳалимъ, Гадъ, Ассиръ, Іосифъ да Веніаминъ. Еврейской народъ сынстъ эйстэстъ улемань кувалтъ сындестъ Патріархтъ мерить. Весе братнэ ютксто Іосифъ весемеде сэтме, весемеде превей, весемеде паро ульнесь; сонъ Іаковонь Рахиль лемсэ козяйканзо эйстэ шачсь. Іаковъ Іосифъ цёранзо весемеде седе пекъ вечкилисе. Тятязо тензэ мазэй одюжа сустась. Братнэ мельсъ тятястъ вечкема цёразо эзь тукъ. Іосифъ кавто онтъ неезь тятянстэнь да братнэнень ёвтлинзе. Неть онтнэде мейле братнэ сонзо вечкемензэ седіякъ эсть карма. Васенце онозо сонзо вана кодамо ульнесь. «Весть», мери сонъ, «минь весе кемькавтово братъ паксясо вейсэ сюро нуинекъ да пултонь пултонь сюлмазь озавтынекъ. Монь пултомъ видестэ ащесь, а тынкъ весеменкъ пултнэ монь пултонтень сюкунясть». Омбоце разтъ сонъ вана кодамо онъ нэйсь. «Састь», мери сонъ, «чизэ, ковозо, кевійкее тешть да сынь весеместъ сюкунясть темъ». Тятязо да братонзо «эле», мерить, «миньгакъ тенть истяжо сюкунятонокъ»! Тень кисъ братнэ сонзо, лангсъ седіякъ пекъ кежіявтозь, маштомонзо арсесть.
18. Братнэ Іосифень міемадостъ.
Іосифень кемень покшъ братонзо тятястъ стаданзо ваность. Весть сынь такода кудовъ тятястъ туртовъ
