— 11 —
сонъ масторъ лангсо эстензэ озамоякъ коске тарка эзь мукъ несакъ. Недлянь троксъ Ной гульканть одовъ нолдызе. Гулькась мекевъ венчентень чокшне позда сась; сонъ Нойнень масличной (оень) чувтонь лопавъ тараднэнзэ туизе. Ной тараднэнть лангсъ ваны да думи: «модась коськсь видна: несакъ чувтнэ лопаямо кармасть ужъ». Недлянь троксъ Ной гульканть колмоцеде нолдызе; гулькась венчентень мекевъ эзь мурдакъ, эзь сакъ ней. Теде мейле куроксто Нойнень Пазъ венчстэнть лисеме мерсь. Ной Пазнэнь ваямодо ваноманзо кисъ пасибань озксъ кандсь. Сонъ Пазнэнь озксоксъ аньсякъ ваньксъ нармотнеде, скотинатнеде, звѣртнеде кандсь. Ноень озксонзо Пазъ примизе: мелезэнзэ пекь тусь несакъ. Сонъ Ноень баславизе да мерсь тензэ: «вана ванокъ: те пиземе чиркесь сельме неицяксъ (свидѣтельксъ) улезэ тенекъ: Монъ масторонть знярдоякъ ведсэ а вельтявса ней».
7. Ноень цёратнеде.
Ноень колмо Симъ, Хамъ, Іафетъ лемсэ цёранзо ульнесть. Ной венчстэнть лисезь виноградъ озавсь. Весть пси чистэ виноградонь ягидатъ сювурдась да соконть симезь иредсь. Сонъ ягидатнень сокостъ иредьстемадонзо эзь содакъ. Сонъ иредеманзо пачкъ, масторовъ кода понгсь мадсь да, лангозо штатовозь, матидевсь. Хамъ тятянзо лангсо, штапонзо неезь, пеедсь да Симъ марто Іафетнэнь гакъ ёвтась: сынь гакъ тятянокъ иредстэнзэ лангсо пеедестъ мерезь. Симъ марто Іафетъ
