— 112 —
Лазэрь лемсэ нищей ломань ульнесь; сонъ весе сэредьксъ, сый потсо ульнесь; сонзо сэредькстне эйстэ сыенть кискатъ нолсилть; сонъ сюпавъ ломаненть ортанзо лангсо мадезь ащекшнэсь; сонъ сюпавъ ломанень хоть сталензэ лангсто пракшнозь паморькстнэде пекензэ пештемсъ радъ ульнесь, бѣдной! Кувать а кувать эрязь нищеесь кулось; сонзо Ангелтъ менель лангсъ Авраамъ ваксъ кандызь. Кувать, а кувать эрязь сюпавъ гакъ кулось, калмизь сонзо; сонъ адсъ понгсь. Сонъ мукасо майсемстэ адсто селмензэ веревъ кепедезь Авраамонь Лазэрь марто васолдо неинзе да, инялдозь сергедсь: «Авраамъ Тятинемъ! жалямакъ, кучикъ Лазэрень: монень толонть потсо майсемась пекъ стака ужъ; сонъ хоть сурнэнзэ ведсъ начтозь монь келемъ начтовлисе». А Авраамъ тензэ мерсь: «Ахъ, церамъ! мелезэть ледстикая, кода тонъ тона чистэ талановсто, весёласто эрить, а Лазэрь тосо майсесь; ней тесэ Лазэрь пекъ ёнсто эри, а тонъ (тесэ) майсятъ. Цёрамъ, минекъ ваксто тынянкъ а молевить, тынкъ ваксто минянекъ а савить: ютксонокъ таркась пекъ покшъ несакъ». Сестэ сюпавось мерсь: «Тятинемъ! кучикъ Лазэрень монь тятянь кудосъ: тосо ищо вете братомъ кадовсть, сынь гакъ тей жа истямо майсема таркасъ авулть понкъ». Авраамъ тензэ, мерсь: «сынстъ Моисеестъ да ліятъ пророкостъ улить; кадыкъ сынстъ кулцоныть». Сюпавось мерсь: «арась, Авраамъ тятинемъ! коли ки кулозде, велмезь, сы тенстъ, сынь сестэ янксеме кармить». Авраамъ мерсь: «коли Мои-
