— 107 —
чи! кода тонъ кеместэ кематъ, истя улезэ тенть: азе ней кудовъ: тонь тейтереть потсто нечистой духось лись“. Кудовъ мурдазь авась тейтерензэ шумбрасто, превейстэ муизе.
31. Іисусъ Христозонь валдомомадонзо.
Весть Іисусъ Христосъ эсь мартонзо Петрань, Іоаннонь, Іаковонь саезь Ѳаворъ лемсэ пандо прясъ Пазнэнь озномо куйсь. Тесэ Сонъ Сонсь Пазнэнь озномо кармась, а тонавтницянзо мадсть да матидевсть. Сынь, кувать а кувать удозь, сыргойсть да неить: Тонавтыцястъ перка такодамо валдо. Чамазо Сонзо чинь кондямо валдо теевсь, одюжанзо Сонзо ловъ ладсо ашолдыть, валдо ладсо цитердить. Марясызь мартонзо Моисей марто Илія пророктъ кортыть. Сынь кортасть ва кода Сонзо Іерусалимсэ муцямонзо кармить. Апостолтнэ сестэ пекъ радувакшность ужъ; ваныть Моисей марто Илія Іисусъ Христозонь ваксто туеме кармасть. Сестэ Петръ сергедсь: „Тонавтыцянокъ! пекъ ёнъ тенекъ тесэ. Коле Тонъ мерятъ, минь колмо шалаштъ путтанокъ: вейкесь Тонь кисэть, амбоцесь Моисеень кисэ, колмоцесь Иліянь кисэ“. Сонъ кортамсто другъ валдо пель копачынзе сынстъ да кортамо вальгей марявсь эйстэнзэ: „Те монь“, мери, „вечкема Цёрамъ, Сонзо эйсэ Монь олямъ; Сонзо кулцонодо“! Те кортыця вальгеенть марязь, тандадсть да комадо прасть. Іисусъ Христосъ ваксозостъ сась; токатевсь эзэстъ да „стядо, илядо пелть“! мерсь тенстъ. Апо-
