— 104 —
ёнонзо, Виѳсаида ваксо пустынясъ Эсензэ тонавтницятне марто тусь. Тесэ кулцономонзо пекъ ламо ломать промсть. Сонъ сынстъ кувать, чинзэ чопудемсъ тонавсь. Кода ужъ чизэ чопудсь, апостолтнэ мерить Тензэ: «вай, Тонавтыцянокъ! чизэ чопудсь ужъ, ломатненень велесъ туеме мерть: тесэ ярсамсъ а мезде ули тенстъ». Сестэ Іисусъ Христосъ «монень не ломатне вачодо кучомостъ жаль», мерсь. «Тынь андынкъ сынстъ». Мейле Сонъ Филиппъ апостолонь кевстизе: «косто бо», мери, «сынстъ андомастъ кисэ кше ромамсъ тенекъ»? — «Хоть кавто сядо динарія лангсъ рамакъ кше и сестэ весеместъ туртовъ аламонь аламонь гакъ асаты», мерсь Филиппъ. «Тесэ мартонкъ зняро кшеть улить»? мерсь Іисусъ. Симонэнь братозо Андрей ёвтась: «тесэ вейке цёрынень вете шужонь кшенензэ да кавто калнэнзэ улить. Коле знярошка ламо ломатненень вете кшенеть сатыть»! Іисусъ Христосъ «кшетнень, калтнэнь тукадо тей Монень», мерсь. Народонтень куцянь куцянь ойсеме мерсь. Мейле Сонъ, вете кшенетнень да кавто калнэтнень кедезэнзэ саезь, менельсъ варштась да баславинзе, сускомнэсъ синтринзе, Эсензэ тонавтницятненень макснинзе; тонавтницятне ломатненень явшизь. Весе народось, зняро сесэ улнесь пешкедемазонзо ярсась. Народонть пешкедемадо мейле сускомнэть кадовсть. Сеть сускомнэтнеде кемкавтово кептере пешксе пейшть. Ярсыцятне аватне марто эйкакштнэде башка вете тысячатъ (5000) улнесть. Сестэ ломатнэ Іисусъ Христозонь инязороксъ путыксылизь (путомо, тееме хотѣли), Сонъ Сонсь эзь улть. Кадынзе сынстъ да пандо прясъ
