— 30 —
24. Іаковть кулы̃мац.
Іаковсь Гессемскя̈й масты̃рса эря̈сь кемзисемгя̈ киза. Кулы̃мды̃нза иҥгы̃ля̈ сон васенда благословиндазень Іосифть идензы̃н — Манассіять дӑ Ефремть, а сяда меля̈ эсь цёранзы̃н. Іудать благословиндамста мя̈рьксь теенза: тонь роцты̃т кармайхть шачы̃ма оцязы̃рт сенярс, мы̃зярда шачи Спасительсь. Цёранзы̃н благословиндамда меля̈ Іаковсь маць васты̃зы̃нза дӑ кулы̃сь. Цёранза ускы̃зь сонь теланц Ханаанскя̈й масты̃ру дӑ тоса калмазь сонь ся̈ калмы̃ти, коза калмафты̃льть Авраамсь дӑ Исааксь. Кулы̃сь Іосифсь, соҥгя̈ калмазь.
25. Моисейть шачы̃мац.
Іосифть кулы̃мда меля̈ Еврейхня̈ Египеца пя̈кь раштасть. Египеца арась Фараонкс иля̈, кона афы̃лезень сода Іосифть тевы̃нзы̃н. Тя̈ Фараонць пельсь, кода-бы̃ Еврейхня̈ пя̈кь раштамда меля̈ афы̃льть ара лаҥгы̃зы̃ст оцюкс. Сяс сон ёралексы̃лезя̈ лоткофты̃мс Еврейхнень пя̈кь раштамасны̃н. Сон кармась синь кошя̈рямы̃ст стака тевень тіемя̈, а оц шачи цёратнень мя̈рьксь ёрямда Нилти дӑ шавы̃нды̃мды̃ст. Тя̈ пиҥкть фкя̈ Еврейть шачсь цёрац. Васенда тя̈дяц колма кофт кя̈шендезя̈ сонь эсь куцы̃нза,
