Page:Пици палакст (А. В. Дуняшин, 1930).djvu/88

From Wikisource
Jump to navigation Jump to search
This page has been proofread.


А эряви сон. Ламо ловажанк пакаренк яжась чувтонь сокась.

Тракторсь кармась сроямо од веле — од эрямо.

Велень атят! Сакшнось ли зярдояк превезэнк тракторось? Думиде ли тынь зярдояк те „чудань“ машинадонть? Думиде ли лисеме пингезэнк нужастонть? Эзиде думсе, атят! Зярдояк онстонккак эзинк некшне те од эрямонть. Те ли эщо ули? Лоткатано ли минь теке ланкс? Тень ли минь тейсынек Октябрянь комсеце иенстэ?

Варштадо неень ол* ломатне ланкс. Тынк лацо, нать, сыню ютавцыть од эрямо пораст? Тынк оцто тонавцть пазнэнь озномо, попонь кунсоломо, постувамо ды урядникнеде пелеме. Неень од ломатнень кецэ — покш оля. Сынь тонавтнить школасо, тонавтнить клубсо, тонавтнить комсомолсо — эрьва косо тонавтнить од эрямонть сроямо.

Ванодо! Кунсолодо! Течи сынь якить ульцява. Мещест лянксо* якстере лентат, кецэст якстере флакт. Ульцясо, клубсо сынь морыть паро морот сыця од эрямонтень:

... Жизнь мы новую построим —
Владыкой мира будет труд...

Течи минь празднуватано Октябрянь вейксэце иензэ.

Москов. ГИЖ 1926.