Page:Пици палакст (А. В. Дуняшин, 1930).djvu/120

From Wikisource
Jump to navigation Jump to search
This page has been proofread.


„АКТИВИСТ


М

ИНЕК ОРТЯ-атя ломанесь, ох авакай, кодамо! Аволь ломань — сырьне! А уш келезэ, келезэ — памететь машты эйстэнзэ! Кода карми Ортя-атя кортамо, балалайкасо прок моры. Истя вити мель, истя вити мель — прок сееде сурьсеме якавты кинити прява.

Пшти Ортя-атянь келезэ. И косто сон зняро валтнэнь саи? Спорямо мартонзо иля пеце. А фатяткак — салатанзат. Весть вейке щоголь ломань виздилгавтыксэлиссе:

— Тонть, келя, Ортялеляй, шапкат умок уш калмо лангов ваны... Од рамамаль, ломанесь — содазь кодамат...

Ортя-атя варштась лангозонзо керш сельме крайсэнзэ ды пеензэ пачк, прок пси вецэ окатизе:

— Шапкась, келя, кодамояк моли... шапканть ало улест...

Прок, ай, локшосо керизе не валтнэсэ щоголенть. Куркакс якстерьгаць щоголесь ды седе курок шлявсь вакстонзо. Ки марто иля снарто ортя*-атядо кортамо, сяк мери теть:

— Ортя-атя? Те ломанесь прок роща ало гуй — апак фатя пупатанзат.

Ламо кой месть ёвтамальть Ортя-атянь пшти кельдензэ, но саты текеяк.

Ортя-атя парсте содасы эрямо ладонть: неень шкатне ванат кодат тусть, пек пштистэ эряви кирдемс эсь прянть, кармат пилень нолдазь эрямо — кадоват сех удалов, эрьва кодамо нолго туло ласте озы лангозот.

Ортя-атянь вайгелезэ эчке — бас. Кода лиясто сими аламодо ды серьгеди мазы моро, прок од орта панжови, вальма сленикатне мик кармить зэрнеме — истямо вайгелезэ Ортя-атянь.

116