Page:Паксять морасан (М. И. Безбородов, 1932).djvu/35

From Wikisource
Jump to navigation Jump to search
This page has been proofread.

* * *


Иса пряняса
Морай письмарнясь,
Шудезня шуди
Мази моронясь.
Веле кунчкаса
Шумнай веелкась,
Колхозонь алятня-аватня
Вакссонза покайхть.
Видьмя тундати
Марса ароптыхть,
Сёронь шачемать
Келесост касфтыхть.
Вай, курок, курок
Ловнясь ведькс арай,
Мутна ляйхненди
Шудема кармай.
Модась вельхтяви
Пижя нарняса,
Лиси велети
Постуфсь карьняса.
Моразеви вирьсь
Нармонь кяльняса,
Тунда кенордак
Пара мяльняса.



3 — 1251