Page:Од пингень вий (Т. А. Раптанов, 1934).djvu/63

From Wikisource
Jump to navigation Jump to search
This page has been proofread.


— А мольдяно минь колхозс! — пижнесть сынь кавонест, прок кияк эйсэст пансь.

— Минь эщо эрятано! — рангсь овтокс Варма.

Гара тусь сяворькшнезь кудов.

Аволь ламо шкань ютазь сась иредьстэ Тол. Ансяк совиксэль кудов, сонзэ грохадизе Варма. Тол прок пулт ёртовсь.

— Кудось монь! Иля совсе тезэнь! — рангсь Варма.

Тол прась. Судостонзо чудсть верть. Стясь ниле пильге лангс, ноки Вармань кундамс сиведе. Сонсь эль аштеви пильге лангсо. Таго тюрьгадсть. Толонь цють лембестэ таргизь Вармань алдо.

II

Эрямось тусь. Прок Толкан леесь салы читнень-ветнень. А марявитькак читне ютамодо. Ансяк шкань-шкань вармась ристядьсы леенть, теевить сормавкст, прок сыре ломанень чамас.

Турезь ютась кизэсь.

Састь сёксень якшамот, мельгаст састь бурятне, даултнэ. Весе кармасть анокстамо телень якшамотнень ютавтомо.

Тол ве обидня а менсти. Яла озны. Сы кудов, кузи каштом лангс, карми моравтомо. Промкс кудо малаваяк Тол эзь ютне.

Эрьва чокшнэ вельсоветсэ промкс. Арсить алкукс велесэнть ютавтомс колективизациянть. Чи а юты — пурныть группань промкст. Вармаяк мольсь эсинзэ группас. Кувать кулсонось, мезть кортась

61