Page:Од пингень вий (Т. А. Раптанов, 1934).djvu/52

From Wikisource
Jump to navigation Jump to search
This page has been proofread.

секретаресь. Кузнецов пейдезевсь ды мольсь малазонзо.

— Тевтне а вадрят. Ков иля варшта — а истя теить.

Кузнецов овсе плотна мольсь малазонзо. А ламос аштезь мольсь ваксозост Нарчук ды дядя Костя.

— Вот герой труда! — Кузнецов вачкодизе лавтов ланга секретаренть.

— Кузнецов, — пшкадсь дядя Костя, — минь маринек тонть завокс путынзеть Яблоновский? Ванок, аля, Гришин ды Музеус миненек весе ёвтнизь, мезть арсе теемс Яблоновский.

Секретаресь эзь чаркодть мезеяк. Кузнецов ды остаткатне ваныть сельмеде-сельмс.

Чись овсе чиремсь пандонтень, от-от валги, кекшсы валдонзо. Секретаресь, Кузнецов ды остаткатнеяк тусть робочейтне ёнов. Кузнецов яла толковась секретарентень, кодамо трудность марто пурнасть хозяйстванть, кодат улить изнявксост ды кодат а сатыксэст ней. Нарчук ды дядя Костя кемевтсть секретарентень, што Филя видестэ корты, што те весе ульнесь ды ламо берянть нейгак улить, ансяк виесь а саты сынст маштомс. Секретаресь кулсонось эйсэст, кавтов чаравтнесь прясонзо ды ламоксть одов-васов кортась:

— Вредительство... Надо порыться.

Чизэ уш тусь пандтнень экшс. Летьке экше коштось сезезь сези судоварят. Менельсэнть васоло тештне кармасть цитнеме. Неть ниленест ломантне кортазь ваясть сеск вень чоподантень.

50