калавтсть тевенть. Теде мейле ламо каизь котмерстэст сюлмотнень ды гурьбом тусть сборной пунктонтень. Ветешка ломань букакс пряст нолдызь модантень ды тусть станциянть ёнов.
— Роботадонть, прок шайтянт ладонь чинеде, пелить! — рангстась мельгаст Митя.
Сборной пуктсонть* истямо жо шалт, истя жо нокить туеме. Кодак човорявсь те армиясь юткозост, истяк шалтось маштсь, ансяк вейте-вейте вайгель рангстнесть а сатыкстнэде.
— Ялгат! — рангстась Миргалей. — Совхозось организовазь ансяк тедиде, ламо а сатыкс тарканзо. Совхозонтень эряви панжомс коперация, коната бу теск максоволь кши, сахор ды лия продуктат.
— Учок, бабань пеште кургот трокс таргить ды порть эйстэнзэ!
Народось весе раказевсь.
— Сень нать а нейсынк, зяро кенде пекеть тетькить совхозонь ули-пародонть?
«Кить не кенде пекетне?», — арсе эсь потмованзо Филя.
— Удситькак садсонтть! — таго пижакадсть.
Филя а ламодо чаркодсь, што совхозсонть кудотне эйсэ эрить заведующеень роднянзо: братозо, ватазо, своякозо. Лангозонзо кельме ведь валовсь, рикстядизе рунгонзо.
— Не кенде пекетнеде карматанок кортамо мейле. Вана кооперациянть эряви панжомс.
— Тонть, Кузнецов, аравттадызь. Азё хлопогак, — рангсшасть* весе ды секе марто срадсть пак-
18
