Page:Од пингень вий (Т. А. Раптанов, 1934).djvu/12

From Wikisource
Jump to navigation Jump to search
This page has been proofread.


касто уить обед ёнов. «Красной озерань» участкасонть шалашдо башка Филя мезеяк эзь ней, ансяк ве пеле розна сравтозь колмо кудот, нетькак виев вармасто секень вант кукольдить пряст лангс.

«Шайтят содасызь, косо робочеест эрить. Ков иля варшта, ансяк пакся неять», — пшкадсь вайгель марямга Филя. Ваны, Самарканть чиресэ саразонь пильге вельде, ёвксонь ладсо, поводесь кудо, а ламнеде бу токамс, истяк кевиревель латко потмаксонтень.

Те кудосонть участковой конторась. Тезэнь сави совамс. Филя оконики чаркодсь, мекс робочейтне тусть кудов: арасть квартират. Вейкеяк робочей а эри квартирасо, специалистнэяк удсить 5 километрат конторастонть. Эрьва чокшне роботамодо мейле колмо-ниле лишметь молить специалистнэнь ускомо кудов. Эрьва валске кисэст эряви молемс.

«Да, — арсезевсь Филя, — ламо робочейть туить совхозстонть, седеяк ламо эрьва чистэ сыть...»

 

Пой лопатне пикстердить вармадонть. Валскень экше коштось кутмордызе Филянь. Филя стясь сех рана, эщо сборной пунктсонть кияк арасель.

Молемс ульнесь а ков. Сон эвкстынзэ кедензэ ожа потмозонзо ды стамбарнэ кармась морамо:

Комбайнась завод
Саратовс строить,
Тракторонь завод
Сталинградс прядыть...

«Ванта, моронь ледсеме маштан». Филя эщо кавтошкаксть морызе эсинзэ складявт моронзо.

10