| Сембе масторонь пролетарийтне пуромода марс! | СТЕНАНЬ ГАЗЕТА |
| „Сембе ванфтф ярмакнень |
| ИндустриализациятИ“ |
Нолдаец Мокшаэрзянь Облфинотделсь, Госбанкть Облотделенияц
| № 3 | Декабрьста 1929-це кизоня | № 3 |
Дяйть мишеньдя государствань займань облигациятнень, — дяк лафчопне масторнеськонь индустриализациянц, дяк юмафне выигражть, кона может тееть повомс, и конань вельде пецак эсь материальнай эряма-ащимацень.
Мезе макссихть займатне государствати
Конашк ва оцю лезксокс арсихть государствати займатне няеви тянь эзда, што тяддень кизоня, мзярда народнай хозяйствань строительстваньди государствась нолни 2,2 миллиард целковай, а займатне тяддень кизоть эзда-жа максыхть 800 миллион целковай. Тяста няеви, што тя 800 миллион целковайсь, конац сявф займанкса, моли минь хозяйстваньконь келептеманцты и кемокстаманцты.
А кда афольхть уль займатне, афольхть уль ня ярмакневок, конат молихть минь в.-хозяйстванеконь и промышленностенеконь касфтомс и кемокстамс.
Кда афоль уль тя 800 миллион целковайсь, то саволь кирьфтамс минь строительстванекя. Тянь эзда лисель-ба, што минь лядолемя-ба тя тевса сяда фталу и минь строительстванькя афоль мольстаня вишкста, кода эряви сон вятемс, штоба мяньдемс эсь пряньконь омба масторста товаронь рамсемода.
Вага мес эрь трудяйти, эрь рабочайти, сьора-видити, служащайти эряви рамамс займань облигация.
Эсь лемсна минь займаньконь — индустриализациянь займат — няфцазь што синь эздост дохоць моли совецкай масторонь хозяйствать касфтоманцты и кемокстаманцты, тяжолай промышленность касфтоманцты, од фабрикань и заводонь, шахтань и всякай лаца касфтомаснонды, илятф сьора—видиень хозяйствать одукс тиеманцты, сьоронь шачемать и велень хозяйствать касфтоманцты, ошонь и велень эряхнень йоткса кемя сотксть ванфтоманцты.
Кие-жа трудяхнень йоткса кармай молема сембонь тянь каршос?
Кие рабочайхнень и сокайхнень-беднякнень и среднякнень — эзда кармай молема займатнень каршос? Кие атказай пролетариянь государствати лездомода, кда содасы, што тя государствась рабутай рабочайхнень и сокайхнень эсь мяльснон коряс и што займатне — тя аф кодамовок пожертвование государствати, а оцю выгода трудяйхненьди эстеест?
Анок содаф, што трудяйхнень эзда кивок аф кармай молема займатнень каршос. Тяда инголя советонь правительствать мархта нолдаф займатне няфтезь, што рабочаень и сокаень массатне тя тевть ланкс ваныхть сознательнайста, аф нолдань — мяльхть.
Тяфта синь кармайхть ванома, и эряви ваномс, инголь-пингонь нолдови займатнень ланкска.
КЛАССОВАЙ ВРАКСЬ И ЗАЙМАТНЕ
Миндеенек шарьхкодеви, што омба масторонь буржуазиясь аф максси тейнек пандомда ярмакт сяс, што сон фсякай лаца йорай шорьсемс минь совецкай союзсонок народонь хозяйствать касомонцты. Но кода ащи тевсь эсь масторсонок? Сембе ли Совецкай Союзонь ломаттне фкя лаца ваныхть государственнай займатнень ланкс?
Анок содаф, што аф сембе. Фкя лаца ваныхть займатнень ланкс трудяхне, конатне путнихть оцю мяль пролетариатть диктатуранц кемокстаманцты, путнихть вий, штоба касфтомс промышленностть и велень хозяйствать, конат йорасазь цебярьгофтомс эсь эряма-ащема шиснон и машфтомс эсь культурнай афсатыксснон. Марнек лия лаца ваныхть займать ланкс нэпматтне, кулакне, попне, ингольдень акша офицерхне, урятникне, жандарматне и сембе совецкай властень вракне и вредительхне. Синь йофси аф йорайхть, штоба цебярьгофтомс рабочай клазть, сьора-види беднякнень и середнякнень эряма-ащема шиснон, синь фсякай лаца йорахть, штоба кальдявгофтомс рабочахнень и сьора-види беднякнень и середнякнень эряма-ащемаснон, синь лац содасозь, што совецкай власць ащи рабочахнень и сьора-види беднякнень и середнякнень инкса и моли кулакнень каршос.
Вовня — миндеенек аф эрявикс ломаттене и минь врагонекя, сембе вийса йорахть, штоба шарфтомс йоньцнон и васькафтомс аф пяк шарьхкоди сьора-видихнень и корхтайхть теест, што займатне, нят — тяфтама-жа налокт, што синь аф кандыхть киндигя кодамовок пара и ст. тов.
Нят сембе кулакнень, подкулачникнень, попнень и лия контрреволюционерхнень васькафнемаснон ланкс ваномс аф эряви и синь верондамс аф эрявихть. Синь верондамс аф эрявихть сяс, мес синь тяфта васькафнихть сяс, штоба сялгатфтомс рабочахнень сьора-види беднякнень и середнякнень мархта, синь йорасазь сяземс социалистическай строительствань плантть.
Веле-хозяйствань кредитнай товариществатненди эряви цебярьняста ваномс займань облигациянь кирдихнень мяльсна.
Штоба ладняс ваномс займань кирьдихнень мяльснон велеса Госбанкть Саранскайнь Отделенияц Окркредсельсоюзнь мархта тисть договор, конань коряс тя союзть алудонь кредитнай товариществанза уставайхть вятема тяфтама фондовай операцият: ценнай гагоцонь рамама и мима, купононкса ярмаконь макссема, налхкф тиражень облигациянь рамама, ванфтомс облигациянь примама и пандомда (ссудань) ярмаконь[1] макссема облигациятнень ланкс.
Фондовай операциянь вятемать вельде веле-хоз. кредитнай товариществатнень эса минь вийяфцаськ займань мишендема тевть сокай ломаттнень еткса и сяда ламос киртьфцаськ кяцост облигациятнень. Тяни мзярда веле-хоз. кредитнай товариществатне эсть вять фондовай операцият, сокай ломантти, кона рамась государствань займань облигация, ашоль коса эсь пиньгстонза сявомс сонь коряванза выигрышть, купоттнень коряс проценттнень. Сяс сокай ломаньць рамаф облигациятнень кирьнезень аф ламос, кодак молель ошу, мишеньделезень синь банкав. А мзярда в.-хоз. кредитнай товариществаса ушодыхть мзярда-повсь макссема сокай ломантти справкат, ашезь пра-ли сонь облигациянц ланкс выигрыш, паньнемс сонь коряванза выигрышнень и проценттнень купоттнень коряс, а кда пяк эрявихть ярмакт, облигациятнень ланкс макссемя ссудат, сокай ломантти ужель ули мимс облигациянц.
Тяста лисеньди, што кредитнай товариществатненьди эряви сембе вийса, виде ваймокс кундамс фондовай работати. Тя работать вельде минь ванцаськ займань облигациянь кирьдить мяленц, тонафцаськ и таргасаськ сокай ломаттнень ярмаконь ванфтома, шарфцаськ сонь мяленц лездома социалистическай строительствати и таргасаськ эрявикс тевс синь тяфтак ащи ярмакснон[2].
Но минь улихть куляньке, конат корхтайхть сянь колга, што кредитнай т-не тяниень пиньгс фондовай работать сатолинка изезь келсття. Тянь лац кемокснесы ся, што ниньгя пяк лама апак анаф выигрышда, апак миф купонда и ст. тов. А вастова налты улихть стама фактт, мзярда сберкассатне атказакшнесть ванфтомс облигациятнень прьмамаснон эзда. Тяфтама факт лифтьф Рыбкинань почтовай сберкассаса, коса ашезь[3] прьма ванфтомс сокай ломантть облигациянц и пожаронь пиньгть сонь облигациядонза палсь 110 цалковайнь питне. Тяфта тя тевть ланкс ваномась пяк шоряй государственнай кредитнай тевонь колептемати. Сокан ломаттнень кяца тяни лама индустриализациянь 3-цекс займань облигацияда. Сяс в-хоз. кредитнай товариществатнень инголе ащи пяк оцю работа, штоба ламоняс киртьфтемс облигациятнень сокайхнень кяца. Сембе фондовай работать кредитнай товариществатненьди эряви йотафтомс кемоняста содонтфста вастонь партиянь, совецкай и профессиональнай организациятнень и лездома комиссиятнень мархта.
Штоба ламоня таргамс ломаньда госзаймань облигациянь рамама, кредитнай товариществатненьди эряви т-вань члеттнень пуромкссост путнемс докладт госзайматнень колга, оцю полазсна конатнень улеза зайняф вастонь материалса, кода: кодама займань и мзяронь питне облигацияда мишеньць т-вась, кодама займанкса и мзяра т-вась панць выигрышда, кодама тиражт улихть маластонь, пиньть, мзяра выигрышть налхкихть синь эсост. Тяфтама-же докладт эряви путнемс и велень марстонь пуромкснень эса, а станя-же и вастонь общественнай и кооперативнай организациятнень пуромксснон эса.
Коста можнат сявомс спрафкат госзайматнень колга.
Спрафкат госзайматнень колга можнат сявомс Госбанкаса, Окрсберкассаса, Окркредитсоюзса и сембе алува азф кредитнай товариществатнень эса:
| 1. Ардатованнеса. | 13. Наровчатоннеса. |
| 2. Оцядуннеса. | 14. Ромодановоннеса. |
| 3. Атяшевоннеса. | 15. Рузаевканнеса. |
| 4. Б.-Демьяновскаеннеса. | 16. Рыбкинаннеса. |
| 5. Дубенскаеннеса. | 17. Саранскаеннеса. |
| 6. Ельниковоннеса. | 18. Сире-Шайгувоннеса |
| 7. Зубово Полянаннеса. | 19. Талызиннаннеса |
| 8. Инсароннеса. | 20. Темниковоннеса. |
| 9. Ковылкинаннеса. | 21. Теньгушевоннеса. |
| 10. Кочкуровоннеса. | 22. Торбеевоннеса. |
| 11. Козловканнеса. | 23. Чамзинканнеса. |
| 12. Краснослабодскзеннеса. | 24. Кадошкинань отделенияса |
И сембе почтань сберкассатнень эса.
КОДА СЯВОМС ВЫИГРЫШСЬ
Госзаймань облигациятнень коряс можна сявомс выигрыш 10 целковайста сявомок 100.000 цалковайс молемс. Выигрышне 500 цалковайти малемс сембе займатнень коряс, аньцек 1922-це кизонь 1-це выигрышнай займада башка, панневихть сембе банкатнень, сберкассатнень и велень хозяйствань кредитнай товариществатнень эса сияк, кодак няфцак облигацияцень.
Выигрышне 1000 цалковайти малемс панневихть сембе госбанкань отделениятнень, сберкассатнень и синь ошонь отделенияснон эса. 1000 цалковайда ламонь выигрышне, а 1927-це кизонь сьорга — видиень 3-цекс займать коряс 500 цалковайда ламань, панневихть аньцек эста, мзярда облигациясь ули ванф Москуса сембе азантф организациятнень эса. 1922-це кизонь 1-це выигрышнай займань выигрышне панневихть аньцек госбанконь отделениятнень или центральнай сберкассатнень эса.
Выигрышень сявоманьди путф 10 кизонь срок тиражть йотамода меле или лиякс азомс — облигациянц кирьдись может сявомс эсь выигрышенц эрь шиня, но аф 10 кизода меле тиражть йотамац эзда сявомок.
Выигрышень сявихнень фамилиясна киндигя аф озанкшневихть и азанкшнесазь аньцек эста, кда выигрышень сявись сонць мярьги тянь тиемода.
Госзаймань облигациятнень, коряс выигрышнень и лия дохоттнень ланкс кодамовок налог аф путневи.
КОДА МАКССЕМС ОБЛИГАЦИЯТЬНЯ ВАНФТОМС.
Сембода выгоднайкс и удобнайкс арси облигациятнень максомс банкав или сберкассав ванфтомс.
Аньцек тяфта тиезь можна надиямс, што облигациясь яф юмай, или аф салави, тяконь йоткса азорсь мезе мялец, сянь и может тиймос облигациять — мархта.
Облигациять юмафтомац тя сяко-жа, кода и ярмаконь юмафтомась а к'да государствась сявсы ванфтомс, сон инксонза отвечай. К'да облигацияцень макссок ванфтомс, банкась аф оцю питьнеда ванонцынь лангозост праф вигрышнень и купотнень срокснон мельгя и облигациень азорт мельге сьорматкшнесыне семба дохотнень облигациять коряс.
Ванфтомс облигациянь максомста азорт кяц максевы свидетельства, конань эса тяшневи, што сон (азорсь) мзярда ловсь может сявомс облигациянц — мимос или сявамс лангозонза ссуда.
Облигациятьне кафта сятт цалковайс молема и облигациятьне конат максфт марса ванфтовихть питьнефтома.
Кда путыхть вклад 200 цалковайда лама то фкя киза кувалма ванфтоманкса эрь 100 цалковайста сявоньдеви 7 трьошнект и выигрышфтома облигациятнень инкса (аньцек процентнойхть) 10 трьошнект эрь цалковайста.
Вкладтнень инкса сявоньдеви питьня фкя кизон ванманкса эрь 100 цал. сявоньдеви 7 тьрошнект и аф выгришнай облигацияста (но процентнай эрь 100 цалковайста 10 тьрошнект.
Кода получамс од облигация испорченнайть эземс.
Сязентьф, испорченнай, толса плхтаф и ст. тов. облигациятнень, кда ниньгя содеви лангозост тяштьв номерсь, кодама закмань и лвя эрявикс вастонза, можнат кредитнай учреждениятнень вельде кучемс Москву оду печатламс. Облигациянь азорть кяцта сявихть 25 тр. эрь облигацияста оду печатламда и тяда башка почтовай расходоньти.
1930 кизонь январь ковота сявомок апрель ковти малемс тиражень йотафтома
ПЛАНЦЬ
1-це—7-це январьста — 1922-це кизонь 1-це государственнай 6-процентонь выигрышнай займать 15-це тиражец.
20-це январьста — 1927-це кизонь государственнай выигрышнай 10 процентонь займать 13-це тиражец.
Январьста — Сока[4]-видиень хозяйствань кемокстама займать 5-це тиражец. (башка план коряс).
20-це—22-це феврапьста — 1927 кизонь 1-це индустриализациянь займать 10-це тиражец.
1-це—3-це февральста — 1929 кизонь 3-цекс индустриализациянь займать 1-це тиражец.
1-це марцта — 1926-це кизонь государственнай[5] выигрышнай займать 14-це тиражец.
20-це—22-це марцта — 1928-це кизонь 2-цекс индустриализациянь займать 6-це тиражец.
16-це марцта — 1929-це кизонь государственнай выигрышнай займать 4-це тиражец.
15-це марцта — 1927-це кизонь сьора-видиень 3-кс выигрышнай займать 6-це тиражец.
МЗЯРА ПАНТФ ЯРМАКТА ЗАЙМАНКЗА.
Займань выгришонь панфмась кармась касома вишкста. Октябрь и ноябрь ковста сембонь госбанкась панц ярмакта (выграшей) сокай видиеняь 3-цекс заемть коряс, конац нолдафоль 1927 кизоня пантф ярмакта 50 цал.
Кемонень процентонь выгрышнай заемть коряс, конац нолдафоль 1927 кизоня сембоц пантф ярмакта 100 цалковай.
Велень хозяйствань кемокстама заемть коряс пантф ярмакта 4950 цалковай. Индустрилизациянь 1-цекс заемть корява пантф ярмакта 250 цалковай.
Сембоц пантф сембя займатьнень коряс выигрышда 19600 цалковай.
Пантф велети: процентта срочнай купотнень коряс октябрь и ноябрь ковста 1929 кизонь 13579 цалк. и облигациянь выигрышнень коряс 52860 цалк.
Сяс, мес срокс индустрилизациянь 3-цекс заемть мишеньдеманц колга велева кувалгафтф 1-це февральста 1930-це кизонь молемос азф займань облигациятня уставайхть примсевма биржсаса 15-це февральста 1930 к. путф питнетнень коряс, кода ценнай бумьгат.
Сяка пинкстасявомак тя заемсь кармай рамсевма и мишеньдевма, а стане кармайсть макссема[6] инксонза ссудат.
Кда йорат, штоба ярмакне тонь афольхть уль салафт, юмафтфт и с. т. — дяйть кирьне синь куца, а максыть ванфтомс госбанкав, сберкассав или кредитнай товариществав.
Окрлитсь №-ц 624. Тиражец 6000 тежетть. Саранск, типограф. "Якстере Октябрсь", Окр. ОМХ. |
