61. Ляй же томбе Марь Магдалина и нумп Марь, кок арруш яммій кодь воста.
62. Нумб пейв, ку ли маηηа пятницест, чоηкдэттиш шорьмус папэ и фарисей Рилат луз,
63. И сарнуш: хер! мій муштьим, тэт келес, кось вял ляй иллій, цилькій: мяηηа колмэн пейвест пайинам.
64. Тэн-дет, пак руккэдед яммій-хавт колмат пейв райя, тэн-дет што су вопнаттій ет лейиш поттед, и соллэдед су, и сарнэд олмэнь: сон пайинэй ямміи кэскест. И лянч маηьмус мантамуш кяхнап вусмуз.
65. Пилат цилькій сійит: тист ли вартьям-наль; мэннед, вартьеккед махт тетветте.
66. Сій вулькиш, и пійиш кальм луз вартэит, и пійиш кятка печат.
Кохт-логь кавцат алгтэс.
А маηηа суввет мэнмест, кось нетлест вус-пейв чувван, пудій Марь Магдалина и нумп Марь кичстед яммій хавт.
2. И кич, шэндэй шур манд-пуштмуш; тэн-дет што Юммель Ангель луштлэдэй эльмест, пудій и іортій кеткь хавт увс-няльмест, и арэй су эльн.
3. Сусьт ляй уйнем-наль махт термес-каск, и су ассэгь лейиш вилкэд кохт мут.
4. Вартьій суркниш су и торьесташкуттиш, и чунчлиш махт яммій.
5. А ангель поньлій сань незэній гарра, цилькій: еллед пэл: тедам, што тій оцветте поаннашам Исус.
6. Сон елляк тасьт: сон пайиній, махт цилькій. Мэннэд, кичстекке сай, косьт Юммель вэннэй.
