кав вулгэтій сунне целькед: ель туйед ни мэйт тэн вуйк-олмже; тэн-дет што мунне ань нахкрест чотта ляй лоссэд су баяс.
20. А шорьмус папэ и парсомузэ пайидиш олмэть кэччед Варавва, а майкэд Исус.
21. Танна ольтій кэчьлій сист: кон котест татветте штоб мун лоштачим тійит? Сій цилькиш: Варавва.
22. Пилат сарн сійит: мэн шэт мун туйям Исусе, ку нэмдат Христэн? Сарнеть сунне пук: ань ленч поаннашаманч.
23. Ольтій цилькій: мэньтем кяхнвуд сон туйій? А сій вял чотяп чурвуш: ань ленч поаннашаманч.
24. Пилат, кось уйній, што ій веккет ни ми, а сягатамуш ласнат, вальдій чадзь, и пэзэй кидэть олмэ пут, и цилькій: им мон лякку верь тан вуйк-олму вэрест: киччед тій.
25. И сарнуш пук олму воста, и цилькиш: су вэр мій эл и мій парнэ эл.
26. Танна луштій сійит Варавва, а Исус сон тагей, и эньдій поаннашемме.
27. Танна ольтій вуччій вальтиш Исус преторій сиз, и чуηкиш су эл пук полк.
23. И яксиш су, и цаккиш су эл рупсес ассэгь.
29. И парькедиш венц цоккэй разест, пійиш сунне ойв эл, и эньтиш сунне воллес китте трост-разь; и чунчлэттиш су воста пулвэ эл, лоньдэттиш су эльн, сарнэть: рамшэд Іудей цар.
30. И чолкуш су эл, и вальтиш трост, и таккуш су ойв вусьте.
31. И конь лоньдэттиш су эльн, яхсиш су эльн рупсес ассэгит, и тевванаттиш су су ассэге, и лайтьешкуттиш су поаннашемме.
