9. А милманэш цилькиш воста: штобы ій леччи путмуш и мист и тист, мэннэд поряп мигэид гара, и восьтед ичсант.
10. Кось-же сій вулькиш восьтед; пудій вунтам, и валмуш мэнниш суйн найм-вярра, и увз каттэиш.
11. Маηηа поадет и ярес нійд, и сарнет: Господи! Господи! аввед мійит.
12. А сон цилькій сійит воста: вуйкист сарнам тійит, им тед тійит.
13. И нуть валвэдекке; тэн-дет што епдед тед ни пейв, ни цас, кон пот олму эльк.
14. Сон туйяй, махт олмэшь, ку вулкал верес манту, кочій иджес пакалдэзит, и аскэдій сійи китте иджес елмуш.
15. И эвте сон эньдій вит талантет, нумпа кохт, мотме эвт, юкиканче су виг мельт; и товда вульгій.
16. Ку вальдій вит талантет, вульгій, эній сійит туйи эл, и валлэшій нумбит вит талантет.
17. Нуть же и тэт, ку вальдій кохт талантет, валлэшій нумбит кохт талантет.
18. А ку вальдій эвт талант, вульгій, и койвэй су манту, и катій иджес хозьин силп.
19. Кухкь айкин пот тэйт пакалдэзит хозьин, и кач сист лог.
20. И пудій тэт, ку вальдій вит талантет, пувтій нумбит вит талантит, и сарн: хозьин! вит талантет тон эньтик мунне; кич, нумбит вит талантет мун валлэшэмь сійи эл.
21. Су хозьин цилькій сунне: порь ли, шыг и вуйк пакалдэс! ваннест тон леик вуйк; еннэгь эл ту піям; мэн ту хозьин рамсе.
22. Пудій нуть-же ку вальдій кохт талантет, и
