5. Васьт ливтій кудант чяс бале и авцант чяс бале, и туишт тэн-ше.
6. Кячча, куэсь сон ливтій эхтемплогант чяс бале, сон ковный нумбійт туеха чуэнчмен, и сарн сійе: мэйт тій туеха чуэнчбеттед тасьт кяджас піейве?
7. Сій сарнеб сонне: ни кіе ій пальхктанч миныйт. Сон сійе сарн: мэннэд и тій мунэ вын-айто, и ми тійе вулькинч, линчбеттед вальтед.
8. Ну куэсь шэндій іекнанч, цялхк вын-айдэ хозьен иджес вирма олмне: кочь туешеійт, аньт сійе пальк, алкехт маηемузійн авдьмузій райя.
9. И кок путтин эхтемплогант чяс бале, вальтин эвтій динареій.
10. А кок путтин авдьмузе, юрьтин, што вальтеп іенамп; а и сій вальтин эвтій динареій.
11. И куэсь сій вальтин, и алькин пэрт хозьене элэ артэд.
12. И сарнун: так маηемузе туешин эвт чяс, и тон пійих синыйт эвт райя миный гуэйм, кок куньдим піейве лоссэдвудэ и паштэг.
13. А сон вуэста цилькій эхте синест: виль! мун ым віерехт тонэ логест; ыкка тон сіехтманч муныйн эвтед динареест?
14. Вальт иджант, и мэнэ; а мун татам аньтед тэлайне маηемуссе тэн-ше, кон и тонне.
15. Ійя мунэ ля валт иччан лыкест туешед, мэйт татам? Или ли тонэ чальм анес верес еалэ элэ тэн гіеччен, што мун лям шиг?
16. Нит линчин маηемуз авдьмуссен, и авдьмуз линчин маηемуссен; тэн гуэйк што ли іеннег кохчманч, а ванас ли валэшанч.
17. И вулькій Исус паяс Іерусалимма, и варест коччай кухтемплокь уэпсувьеттед рявна эвтійт, и цилькій сійе:
