41. Ниневитла коццэллэб судэ варас тайн пулвдэгин и сонэ судэшкуэттеб; тэн гуэйк што сій кайдэттин Іона сагыйн.
42. Совь-горе царица коццал судэ варас тайн пулвдэгыйн и судэшкоат сонэ; тэн гуэйк што сон пудій іемне раійн куллэд Соломон миллэввудэ; и кич, тасть ли шурямп Соломоннэд.
43. Куэсь ліехт тортмас вуйηас олмусьт, танна воттат чадзехеммес пайкій мильт, оц вуэηηем-сае и ій ковн.
44. Танна сарн: мун маццам маст иччан пэрхте, косьт мун вулькимъ; и куэсь сон поат, кавн сонэ курас, и ли пашманч и ріевклахтанч.
45. Танна вуэлк, и валт милдес киччем нумбійт вуйηсійт, нюэзямп иччедес, и соаккеб сій тогэ и іеллеб тампед; и ли тэн олмне маηемунч нюэзямп автьмунчед. Нит лянч и тан нюэзес пулвдэкке.
46. Ну куэсь сон вял сарнай олмыйт; сонэ іен и вильле чуньчун олкем-біельт, и тахтун соныйн сарнед.
47. И мутам цилькій сонне: кич, тонэіен и тонэ вильле чуэньчеб олкемъ-біельт и тахтэб сарнед тоныйн.
48. А сон цилькій вуэста, сарнъя: кіе ли мунэ іен? и кіек ліеб мунэ вильле?
49. И вузехт кидійнис иджес уэпсувъій элэ, и цилькій: кич, тасьт ли мунэ іен и мунэ вильле.
50. Тэн гуэйк што кіе алк іеллед мунэ альм-адже тахтмужій мильт; тэт ли мунне виль и уэрьпен и іен.
Коалмэмплогант алкхэш.
А тэн піейве ливтій Исуспэртест и ыштій міэр-гурре.
2. И коаккань сонне іепнэг олмнеттед, нит што сон мэный вэнсе и ыштій; а олмо пук чуньчун рындест.
