лышт синыйт, што сій лійин висманч и пидкнанч, готь лампас, койн ій лях пиннее.
37. Танна сарн иджис уэпсувъійт: ліейп-суйнед іеннэг, а чупъеттед ванас.
38. Тэн гуэйк аннэд яв-суйній хозьине, што сон вулкхахч чупъійт иджес яв-суйнійт.
Логант алкхэш .
И сон коччай иджис кухтемп-локь уэпсувъеттед, и эньтій валт торхкмас вуйηсій элэ, синыйт вуехем варас, и лэхцед юкке кэбэ и юкке уэйнахтемвудэ.
2. А тэк ліеб кухтемп-локкед апостолыйн нэмэ: вусмус Сымман, кохчманч Піедрен, и Уэньтрей, сонэ виль, Як Зеведее альк, и Эвван сонэ виль,
3. Иллип и Варфоломей, Фом и мыттар Махьтвей, Як Альфее альк и Леввей, кохчманч Фадіен.
4. Сымман Кананит и Иуда Искаріот, ку и эньтій сонэ.
5. Тайт кухтемп-логе вулкехт Исус, кильтій синыйт и сарнай: тій іеллед мэннед тортмас олмыйт варе мильт и іеллед мэннед Самара ланна.
6. А мэннед эвтель Израил пэрт катманч лампсій горра.
7. И куэсь тій воттэдбеттед, сарнед, што альм царство пудій альтла.
8. Кэп-олмыйт лэхцед, проказ-кэблайт путтесмахтед, ям-олмыйт еалхеккед, цуртійт вуехеккед. Уэсьтханна вальтійт, уэсьтханна и аньтед.
9. Іеллед вальтед милдант ни колле, ни сылб, ни віешке, ни поакнійдант,
10. Ни вуссыйт варро, ни кухт ассэг, ни камгыйт; ни суэмпь. Тэн гуэнк што туешей олмунч аняхт портеммушше.
