33. А пиннее вичлин; и куэсь сій путтин ланна, сарнун пук туе и тэн лык, кохт цуэрхтлай туе шэнтій.
34. И кич, пук лань видій вуэста Исусе; и готь уйнин сонэ, аннун, што сон вуэлкахч синэ іемнест паго.
Авцант алкхэт.
Танна сон мэный вэнсе, вулькій маст пайель и пудій ланнась.
2. И кичь, пухтиш сонне луэштанс лавве кэбла, ку ляй пійманч тульле альн. И готь Исус уйній синэ вирэ, сон цилкій кэблинче: тон лехчих ровас, парнням! куэтьеб тунне тонэ ріекь.
3. Тан пале куэ ля койн кирь-кидыйн цилхкин иччис: сон Иммель лайхт.
4. А го Исус уйній синэ юртгійт, цилькій: мэн гуэйк тій юрьтбеттед нюэзес юртгійт иджант кутькест?
5. Тэн гуэйк што ми ли кіехпсамп ціелхкед: куэтьеб тонэ ріекь, или ціелхкед: еоццо, воттэд?
6. А што тій тіедчиппед што олмо альгест ли валт іемней альн рикійт куттед (танна сарн кэблинче:) коццо; вальт иджант тулле, и мэнэ коатсант.
7. И сон коццай, вальдій иджес тулле, и вулкій коаттась.
8. Олмо кохт сій уйнин тэн, тэвтушшин и кихтин Иммель, ку ляй антанч олмыйт мука валт.
9. Куэсь Исус туде горрен воттэдый, сон уйній олмо ормен и пошлин копчмен, нэммед мильт Махтьвей, и сарн сунне: пуэде мунэ мильт. И сон коццай и вулгій сонэ мильт.
10. И куэсь Исус ыштей порред пэртест; іеннэг мыттаред и ряклинчед пудій, и ыштнип соныйн и сонэ уэпсувъій-гуэйм.
