This page has been proofread.
Т. РАПТАНОВ
Кавонест братиники
Евтнема
I
H
урь-петерь чинь струнатне новольсть масторонтень. Менелесь коть маней, коть крусталекс вандолды, яла теке авардезь ашти чамазо. Калень пиже лопатне юткова пикстерьсэ пикстерьди чи валдось прок алкуксонь сельведь.
Кальтне ало леесь такода сэтьместэ ды прок сленикань полотна сравтовсь келеде келес.
Тошна, авардемат сы. Рунгот мик карми чулксетеме, седееськак скирязь скири. Прят бу петляс килькштявлик истямо апародонть. Преветькак маштыть.
Ало пе ёндо мельник Мишкань ведьгевенть ланга раужо пелькс появась ломань стена. Виде-паронь стена. Келес а келеми, проулкась свистизе.
— Уряж, — рангстась Тюма, — ванта, ванта, те мезе? Уряж, поп пазава марто юты.
Тюма налксесь кинть лангсо пуль потсо. Сон пурнасы пуленть куцяс, кенере-пакарьсэнзэ теи яма ды венельди тозонь. Кода начки пулесь, тееви вакашке.
Чинь-чоп, чинь-чоп Тюма налксекшнесь кинть лангсо
108
