цяк Мон тага васьфтьтԙдԙзь, и кенԙрьди тинь седіеннтԙ, и кенԙрьдеманьнтень кивък аф нельгсы кԙдстънънт.
23. Сԙ шиста тинь афълԙ кизефтсамасьть мезьденьгԙ. Видеста, видеста кортан тееньнть: мезяма афъледԙ ана Монь лемсън Алԙзень кԙдста, макссы тееньнть.
24. Тԙнемс тинь мезевък ашъдԙ ана Монь лемсън; анада и сԙвсасьть, кенԙрьдеманьнтԙ пԙшксԙ улеза.
25. Тԙ пингс Мон кортнень тееньнть вельтяфста (ёфкс ладса); ва сай пингть аф карман станԙ кортама, а видеста Алԙзень азсан.
26. Сԙ пингста карматада Монь лемсън анама, и аф мԙрьгсан, энԙльдсан Алԙзень тинь инксънънт:
27. Алԙзԙ Соньцькԙ кельггԙдԙзь сяс, мес тинь кельгъмасьть Монь и кемесьть Алястън лисемазень.
28. Мон Алястън лисемък сань мастър-лангстътьнень ёткс; тԙни нԙнь кадсайнԙ, молян Алԙзьти.
29. Тонафніензън мԙрьгсьть Теенза: тԙни ва Тон видеста кортат, фкԙвък вельтяф вал ашъть аз.
30. Тԙни нԙйсаськь: Тон сембень содасайть, афълԙ эряви Теть киньгԙ кизефнемац. Тԙнь кувалма кемсаськь Шкайста лисемацень.
31. Іисузсь пшкԙдьсь: штли тԙни кемсасьть?
32. Эрь ва сай пингԙ, саськԙ ни сон, тинь срадтада ԙрь эсь ширезънза и Монь ськамнян кадсамасьть; аньцяк Мон аф ськамнян: Мартън Алԙзԙ.
33. Тԙнь азынԙ тееньнть, улеза Монь кувалмън вастсънза седіеньнтԙ. Мастър-лангънь эрямстънънт пичедьтяда; но віияфніеньнть прԙньнтень: Мон сԙськинԙ мастър-лангстътьнень.
