29. Мон ва Сонь содасан: Мон Соньстънза лисень, кучъманьгԙ Сон.
30. Эста вешеньдсьть кундамънза, аньцяк конацка ашъзԙ венептю кԙденцка: изь сак неньгԙ пингъц.
31. Народть ёткста ламъц кемъмъкънза кортась: шли саньдԙрԙй Христозсь тԙнь тійфтензънга лама оцю-тевьдԙ тіи.
32. Стама кулят ланганза кодак марԙсьть Фарисейхьнԙ народть ёткста, синь поптнԙ марта эста кигԙ кучъзь эсь уряснън кундамънза.
33. А Іисузсь азсь: тага аф ламъс ащан ётксънънт, тоса туян Эсь кучіезьти.
34. Карматада вешеньдемън, аф мусамасьть; коса улянга, аф пачкъдюфтяда.
35. Эста Іудейхьнԙ кортасьть эсь ёткуваст: ков станԙ туй Сон, мԙнь аф мувъмшказънза? Аф мԙлец-ъли срадф Гректнень ёткс шовърдамс прԙ тонафтъманксъст?
36. Мезяма нԙйфтихьть азф валънза: карматада вешеньдемън, аф мусамасьть; коса улянга, аф пачкъдюфтяда?
37. Празьнекьть астаткай шистънза Іисузсь стяда ащесь, серьгԙдезьнԙ кортась: кинь шԙи потмъц, саза Тейнԙ, симъза.
38. Ки кемсамань Монь, сԙнь потмъста, Валда-Сёрмать валънц коряз, туйхьть шудемԙ эряма-ведень лԙйхьть. (Ис. 12, 3. Іоиль 3, 18).
39. Станԙ азъзԙ Сон Духть, Конадънза пԙшкедювъльть кеміенза; эста ашъль неньгԙ эсъст Святой Духсь, кода неньгԙ апак нԙйфьткель Іисузть пара-славац.
40. Ламънест народть ёткста, нԙ валънзън марямстъст, кортасьть: тԙ прокс ингели-содайсь.
