Page:Васень аськолкс (1932), стр. 22-32 (М.И.Безбородов).djvu/4

* * *

‎Косот тялонь пара валхня,
‎Конатнень пяк кельгончнийть?
‎Сюдуф, кельготнедязь кулакня,
‎Видя. Станя. — Визделеть...

1931 к.

---

УЛЕНЦЬ ШОБДА

(Сязькс поэмаста — „Матовсь кяжец”)

I

Уленць шобда
„Сиря” велесь
(Сиря пинкнень)
Кода весь.
Якась нужась
Паксять келес
Кяжи вармакс
Морась кштись
‎Валда, вайкс
‎Сокайхнень копста
‎Шудезь-шудесь
‎Кельмя ливсь...
‎Пиксекшнезь синнь
‎Плеца, локшоса, —
‎Тяфта уленць
‎Эста тевсь.
Уленць сотнеф
Ашуть кялец,
Пуромксу
Изь якся сон.
Ашель авать
Сонцень лемоц —
Сараз лаца
Лувозь соннь.

---

25