— 53 —
Сёма. (Мэнць). Дунэ, Дуняша, прастиндамак... Ор потмо̆са иднэсь... Понац-ка монь... Уло̆няц-ка, шаԕко̆няц-ка монь лацо̆н. Вӗдь сон монь, Дуняша, сонь аф ёрдасак!
Дунэ. Уло̆няц-ка, шаԕко̆няцка... Мон нэфтян тейть шаԕко̆нэ! (Сувай цюлану коцькарганкса.)
Сёма. (Веши ворьго̆дьмо̆да). Дунэ, Дуняша. прастиндамак.
(Сувай Ивано̆рэсь, сусед ева).
Ивано̆рэсь. Оспо̆ди сусу христе, тинь месть воевандатада? Шумбратад—эрятад!
Сёма. Ватт, Ивано̆рэсь, томбай эсо̆н.
Дунэ. Праклятай! Танга Марень маԗта улсь. Ломандӗнгэ аф-ы̆лэ визди. Юмань маԗто̆нза! Шинек-венек марса усксевихть.
Ивано̆рэсь. Пандяда-ни, сирэ ётт-прэвихть сэво̆да-ни. Дунэ, тон монь идьморо̆зень изийть нэй? Идь-ваннизэ кадо̆зэ, мезякай, тинь вальмэ ало̆нтт, сонць, синдись синьца, тусь наԕксема. И юмась идьморсь... Пелян тува нефцы.
Сёма. (Кенэнць. Пеедезь Дунэнди). Эх шава прэ! Эсо̆т васькафнӗнь, а тон ецят тюрьма. Разди тиян мон станэ... Идьморть, Ивано̆рэсь мон кепо̆дие. Вона сон, краваца ор потмо̆са.
Ивано̆рэсь. Вай, Сёма, спасиба! А мон сэшкава эво̆день, сяко̆нь вантт ы̆ли тува ыли пинэ сэзӗнцы. Кувать ы̆ли. (Кравацта сэвсы итть и туй).
Дунэ. Пэльдись пэльдӗнза! Анцяк траво̆ндат эсо̆н. Работама сельмо̆тнэ аф нэихть! Идол!
Сёма. А тон коцькаргать скарей кундайть. Мон рахсян, а тонь проксцэ. (Озай моркш ваксс).
Дунэ. Цебэԗть рахсематнэ. А месть ы̆на Марэ тияк ниԕьцэй. Визьксо̆ц-ка аш. Мон пови кэдӗзо̆н...
