Page:Безбородов М. И. Сочиненият 1-це томсь (1939).djvu/54

From Wikisource
Jump to navigation Jump to search
This page has been proofread.


ЛУГА ЛАНГСА


Зорясь олай,
Олай, олай, —
Олась и юмась,
Шинять цяткоц —
Васень цяткоц
Лаймоть ланга прась.
Сиянь росать,
Сиянь росать
(Кона тишеть штась)
Цяткоц пидезе
И Мокшети
Эшляма сувась.
Венемсь, керендсь.
Венемсь, афкстась,
Кеподезе прянц
Додунц лангста,
Палаткаста
Лиссь ушу Гурьянць.
Шамань штама
Ласьки мокшети, —
Штазе и мрдась.
Кафта кядьса
Пара мяльса
Ражокти кундась.
Эводсь лаймось,
Пандовсь ваймоц,
Ражоксь морай зоря;
Бригадати,
Ударникти
Кайги моронц йоряй.



49