Page:Безбородов М. И. Сочиненият 1-це томсь (1939).djvu/36

From Wikisource
Jump to navigation Jump to search
This page has been proofread.


ШНАСТЬ МАЙТЬ ВАСЕНЦЕ ШИНЦ


Шнасть Майть Васенце шинц,
Шинц Интернационалть!
Сон сатнесы пенц
Мировой капиталть.

Морада лемозонза гимн,
Сявость кядезонт флакнень.
Тячи праздниксь минь —
Сембе трудяйхнень.

Стирьхне, цьоратне, алятне, аватне!
Лиседа сембе ульцяв!
Штоба праст комада кулаконь шаматне,
Мзярдонга меки тяст стяв.

Омба масторса тячи лисихть,
Лисихть трудяйхне ульцяв,
Синь валда и лямбе ши вешихть,
Штоб кивок тяза уль муцяф.

Шнасть Майть Васенце шинц,
Шинц Интернационалть!
Сон сатнесы пенц
Мировой капиталть.


1928 к.

31