Page:Безбородов М. И. Сочиненият 1-це томсь (1939).djvu/33

From Wikisource
Jump to navigation Jump to search
This page has been proofread.


УЛЬСЬ ПИНГЕ, ЦЬОРАЙ


— „Ульсь пинге, цьорай,
Мзярда уросне
Масторть келева
Ошка, велева
Срафтфтольхть —
Йоряфтольхть.
Яксесть вачеда,
Прясна нолдафтольхть,
Ашель андысна,
Ашель симдисна,
Пара эряфти
Перяфоль кисна.”
Вов кода морсезь
Урос иднятнень,
Оцязоронь пингть,
Стака шинятнень:
„Урос Ягорнясь,
Сюдуф цьоранясь;
Ялганзон йоткста
Нужань няинясь.
Колма кизоса
Тядяда илядсь,
Омба кизоня
Кулось сонь аляц.
Арась Ягорнясь
Кефки кизоса,
Фкявок шиц ащель
Топодьстонь пекса.
Постуфонь слава
Ягорнясь канды, —



28