Page:Безбородов М. И. Сочиненият 1-це томсь (1939).djvu/28

From Wikisource
Jump to navigation Jump to search
This page has been proofread.


МОРАФТОМА КУДСА


Ловсь ляпе пухокс
Вельхксста алу прась,
Равжа модать лангс,
Акша щам ацась.

Нельгозень якшамсь
Весяла шитнень.
Ловонь фальняса
Перязень китнень;

Стирьхнень, цьоратнень
Кядьста мянць ульцясь.
Тялонь пингонясь
Синь эсост муцясь.

Но синь нужасост
Лездсь лувома кудсь:
Тоста однятне
Тев эстейст мусть.

Шитенге тосот,
Илятьке молихть,
„Од Велеть” эзда
Содамат порихть.

„Книгат, газетат
Кона морафты,
Сянь эряфоцка
Лиякс полафты”, —



23