Karon (millionnair) pan-saponapan orèng ngotja'aghi , mèlana ghellem soghi, tjoma dări tarèka sareng dhoe-kodhoena dhibi'. Sapalè bădă sè notorraghi saratta orèng sè terro soghiă , kadhi èbăbă panèka .
A.CHARLES BREADWIJ
kasoghiǎnna 24 malijoen dollar[1]
Otja'èpon : „ Orèng terro soghia sè tjè' soghina rèja ta ' aogher båkto , kennengngan otabă kamadjhoeăn , tapè aogher abă'na dhibi' .Kellar alalakon, djhoedjhoer, biken băn parèmpen, ngastètè băn tè-ngatè djǎrèja ogherră (saratta) orèng sè terro soghiă. Aotang bǎn apaotang rèja èkennèng angghep maso ' sè abhabhădjǎi mongghoe ka dhăghăngan Mellè băn adjhoewǎl kalaban lekkas maske kalaban kaontongan sakonè' ; rèja sè tjè' bhaghoessa ."
Ngotja' sapanèka : „Sarat sè tjè' bhaghoessa ka orèng sè terro lekkasa soghi, ijă arèja : andhåp asor. Băn polè djhă' lè- sakalè notorraghi kakareppanna ka orèng laèn , sè adhăghăng bi' abă❜na,sarta kodhoe patjè' labhăna. ,,Karep sè la marè èpèkkèrè ongghoe djhoebă'-bettjè'na, mon la èdjhălănnaghi kodhoe pangantjèng sakalè, djhă ' patangghoeng. Tanto lalakon djărèja bădă pèkolèna."
Ngotja' sapanèka :„ Balloeng eddjhăm tèdoeng, doe bellǎs addjhăm alalakon, pa' eddjhăm njennengngaghi pèkkèr. Ratsorat wissel kodhoe bădjări korang saarè sè napa'a kabǎktona;kaontongan lema dollar kaghăbăj tatekken.Tjara rèja saratta orèng sè terro soghia. Băn polè pèssè rèja djhă' lè - sakalè èangghoej ka kaparloan sè ngarep kaontongan kalaban lal-halalan(tong-ontongan) ."
- ↑ Sadollar panèka bǎdǎ 2 1/2 ropèja
