Sakeng dări kapènterṛan băn kabăngalanna aperrang, kongsè para' saparona naghåră Erropa kabhăbă dă' Pèjan-dhălem bhoeroe. É nalèka ghǎnèko bădă naghără radjă, engghi anèko Roeslan, sè ghi' ta' atellok ka Pèjan-dhălem , molana pas èperrangè.
Dhinèng rèng- orèng è naghără sè èperrangè ghănèko ta' alabăn bi' kabǎngalanna, nèng èghellări malolo. Sakabbhinna naghără băn sa-dhisa sè èloroka moso ladjhoe èkosongè, rèng-orèngnga padă èsoro njèngla dări ghăḍijā, sarta sabhărăng radjhekkè (kakanan) èghemmettè. Amarghǎ ghǎnèko Pèjan-dhălem Napoelijoen băn bhălă tantrana paḍă kalaparan, kangsè bănnja' sè matè, abit-abit tapaksa abăli ka naghåråna kalabăn njanḍhăng kakala’an radjă.
E nalèka abǎli ka naghărǎna, pas kabhǎrengngan bi' mosèm tjellep (winter), sè tjè' sarana, sabab è naghără Èrropa ko'issa' tjè' ghǎsèkka kaḍătengngan, mosèm tjellep sè tjè' paranana, kangsè orèng apatèan.
Dhika kabbhi tanto padă tao djhă' è naghără dinto sè bădă èattas paghoenongan, opama è Pangalèngan[1], ḍhăng-kaḍhăng bădă mosèm tjelleppa sè tjè' paranana kèja, kangsè ghǎgghår odjhăn saldjoe.
Bhab ghǎnèko mongghoe è tana Èrropa djhăng sara'an, sè băḍă sapolo kalèna sè èkotja'aghi boelă bhoeroe.
Ghellǎ' pon èsebbhoettaghi, djhă' Pèjan-dhălem Napoelijoen băn bhălă tantrana paḍă katèbhănan tjalaka' kalaparen, mangka pas katèndi katjalaka'an katjelleppen, dhăddhi kasossa'anna atompang-tèndhi.
Tjè' bănnja'na sardăḍoena sè matè, napè polè djhărăn, kongsè ta' kabilăng bănnja'na.
Teppa'na njanḍhăng kasossa'an radjă ghella', o-tao pas èlorok moso dări boeḍi, pon tantona tjè' ghămpangnga pakala'anna. Sanaddjhăn Pèjan-dhălem Napoelijoen băngal sarta pènter paperrangnga, tapè è nalèka ghǎnèko ladjhoe apes, èkennèng pèghǎ’ bi' mosona, pas èboewăng ka sèttong polo."
Kalèboenna: „Dhăddhi manabi sapanèka, kadhi ponapa akkalla, sopadjă salametta samanè?"
Mantrè-landbouw: „Noro' katerranganna orèng sè ahli bhoeddhi, orèng oḍi' è dhoennja neko djhă' nèng norotè napsona bhăi, akanţa ngakan sè man-njaman, tèḍoeng sè tjè' ngèḍḍhăna, bănnja' di'-anḍi'na; anangèng kodhoe sambi ngèhtèjarè kasamporna'anna odi'na è dhoennja, sabab manossa nèko bhidhǎ bi' bhoeroen alas: kodhoe andi kapènterran, sarta bhaghoes tèngka-polana. Mon kasoghiǎn nèko èkantè'è doe parkara sè kasebbhoet, insja Alla salamet; orèng èssèna naghără arassa moldjă oḍi'na, naghărăna ghemma-raddjhǎ ta' kakorangan pè-napè.
- ↑ è bhăbă Băndoeng (Prijangan).