Koddhi' boelă sanonto atanja'a ka kalèboenna băn ka sakabbhiǎnna orèng sè akompol èḍinto. Sarrèna manossa sè èpaoḍi' è dhoennja bi' Ghoestè Alla nèko kappra ènjamaè alolongan, dhăddhi napè sè kodhoe èsarè?"
Kalèboenna: „ Abdhina ta' onèng sè matora."
Mantrè-landbouw: „Djha' roe-kabhoeroe ngotja', ta' onèng, na, ra-kèra bhǎi napè?
Bărămma, djhi Razăk, napè panemmona dhika partanja'an boelă bhoeroe?"
Djhi Razǎk: „Ghella' pandjhennengngan aḍhăboe, djha ' oḍi'na manossa è dhoennja ka'into sarat alolongan. Rassa bhǎdhăn-kaoelă, sarrèna bhădhăn-kaoelă bhoeḍhoe, manabi noro' parèntana sara' nèng kodhoe njarè sarat sè èkasangoa palèman. Dhinèng sè mènangka sangona, èngghi kodhoe alako 'ibădăt ka Ghoestè Alla èsarengngè èlmona."
Mantrè-landbouw : „ Engghi tjè' bhenderrǎ ongghoe ghǎnèko . Anangèng rassa boelă manossa nèko tjè' rangrangnga sè ladjhoeă ènga' samanè sè molèa ka achèrat . Bărămma panèmbhăngnga dhika djhi Bǎkkri ?"
Djhi Bǎkkri: ,,Rassa bhadhăn-kaoelă manossa panèka sè kabǎnnja'an nèng njarè kasoghiǎn."
Mantrè-landbouw: „ Èkaghăbăjă napè kasoghiăn ghǎnèko?” Djhi Bǎkkri: „,Ghoenana kasoghian engghi panèka: le. kaangghoej ka aba' dhibi' sareng ana'-binè; 2e. èbhăḍhia sadaka ka orèng fakèr-mèskèn, mandhăr è achèrat mangghiă kasaèan; 3e. èbhăḍhiǎ kasaèan è alam dhoennja, opama : salèng tolong sareng orèng soghi, abhaktè ka naghară, njopprè dhǎddhiă ghǎghǎman mongghoe kasalamettan è dhoennja.
Laèn dări angghǎpanèka, manabi tjokop saratta, kaangghoej djhoeghǎn abhadhi amal djărijă, akadhi: abhăḍhi masèghit, ghǎládhǎk sareng èn-laènna."
Mantrè-landbouw: ,,Bhender. Panemmona dhika ghănèko anjama parlo kèja.
Anangèng pèkkèrra orèng sè kabănnja'an ta' tjara ghǎnèko; molana terro soghiă, ta' laèn nèng terro norotana hawa napsona, terro sennengnga oḍi'na, njamana ngakan, bhoenga'a angghoejjă, njamana tèḍoeng, bănnja'a binè, nompo'a ana' .
Sè èkaèḍing băn sè ètangalè paḍă ètekka'aghi . Orèng sè bărinto nèko, kapprana taḍă' laèn sè èpèkkèrè , kadjhǎbhăna nèng dhoennja ; sèjang- malem ta' peggha' sè èngen-kangen , kongsè ta' apangrasa sakalè, djhǎ' lalakon sè tjara ghǎnèko djhoebă' napè bettjè' .
Orèng sè atèngka bărinto neko sanjatana tjè ' salana , sabăb ghǎmpang nemmo tjalaka' , sarta polè kasoghiǎnna ta ' kèra teptep.
