BHAB SÈ KAPÈNG ḌOEWĂ'.
Mantrè-landbouw dateng ka dhisa abhǎreng Mantrè-aèng băn djhoertoelès Tjamat[1]. Sè katello djărèja pas padă todjoe' è korsè sambi ètjabisè kalèboenna todjoe' è lèntjak perrèng. Rèngorèng dhisa maghårsarèna paḍă atjabis èbăbă.
Èḍălem dhisa djăḍijă bădă kebbhoen partjobă'an sakennengngan kaaghoenganna Naghǎră.
Dă'-adă'na Mantrè-landbouw marèksa parkara pangghăbăjăn dines[2], ijă arèja marèksa pangghăbăjăn tanè èḍalem dhisa djădijă. Saellana djărèja pas molaè bhab abhoețok wa'-boewǎ'ăn băn bhab pèjara'anna, sopadjă boewăna bhaghoesă sarta manès rassana.
Parandhinèng băbătekka Mantrè-landbouw djărèja lèboer sarta nèserran ka bhăngsana, tor terro mamadjhoea. Amarghǎ djǎrèja, laèn dări ngalakonè pangghăbăjănna sè bijăsa, aba' na tjè' lèboerră rang-nerrangngaghi bhab pan-bărămpan kapènterran ka orèng dhisa; sè èsopprè taḍă' laèn, nèng sopadjă abiddhă abit băḍă'ă kadhǎddhiǎnna.
Saellana Mantrè-landbouw marè atjatja, pas ngotja' ka rèngoreng sè bădă èdjǎdijă: „Tan-tarètan sè bănnja'! mon kèra taḍă' kaparloan è bengkona, sabelloenna molè, maḍḍhă na atja-tjatja ghålloe; sapa tao, pola èantarana dhika ko'abbhi nèko mè' bădă sè terro ngèdingngaghia tjarèta boelă."
„Bhenderră boelă kodhoe èntar ka bengkona haddjhi Băkkri, ma’na Iswad băn ka laènna sè pon sarmo ka boelă. Tapè sarrèna boelă ta' kobher èntar, molana bhăngo'an sanonto bhăi, angghep èntar ka bengkona dhika ko'abbhi.”
„Anangèng saopama băḍă odoerră otabă kaparloan laèn, mon molèa ta' èkanapè.“
Djhoertolès: „Ghella' abdhina ampon abălă ka maghǎr-sarè ka'into, djhǎ' pandjhennengngan bhăḍhi nerrangngaghia bhab èlmo kasoghiăn; sadhădjă tjè' terrona sè mèrengngaghiă.”
Mantrè-landbouw aghella' ngalakkak, pas ngotja' polè: „Pon tantona sè terro ngèdingngaghiă; sabab boelă nèko èkatangghoe mala'ana dhoewăna orèng sè terro soghia, tjara sè pon kappra èdjhălănnaghi orèng ko'into. Anangèng parkara ghǎnèko boelă ta' ro-nèroa orèng laèn. Ngotja'a tjè' partjadjăna, engghi enten; ngotja'a ta' partjadjă, enten kèja; tjoma bhai boelă ta' ro'-noro'a kalakoanna orèng laèn, sabab noro' panemmo boelă, kasoghianna orèng ḍinto nèko ta' njapo' ka kasoghianna bhăngsa Erropa. Sapa
