( 3 )
Qñg pamipungeulan itang carromata
mepiluc ya itang queang bocamaza
ala yang mesira nun é mu pin ita
é binang maragul linto casiran na.
Nanung depatan na niting macasaque
anac mayacayan metung á mabandi
quinuldas yang agad at é ya méñani
pilmuran ne quetang marinat á sabi.
Bucud pa canitang amanung sapala
macasugat púsu qñg taung maluca
ita ning lático inagad neng quinua
ba nang balayunan marauac nang nása.
Queti no pemarug alang tarus dit man
paculiut gareta alang casalanan
ing páli ning lub na queang penusigan
pematacaran na ita ning degulan.
Calulung paculiut ¡nanu ing ḍaptan na
qng saquit at caplas nun é pin mibata?
caibat na niti nan migulut no queta
iting mangäreta at magcarromata.
Nanu ta't miliban atlung banuang ueue
é meco qñg lub na ita ning miliari
menactac qñg púsu ampon menatili
ing depat na quea nita ning mabandi.
