This page has been validated.
"ING PAMA-MALI NING MALUCA"
 |
 |
|
BALITA-NG
Mepaliari qñg metung a Barrio-ng
macapañgulu sacup niting
Capampañgan.
Canitang banuang libu ualung dalan
ualung pulut apat labis na nitinan
láne nang pangulu metung á balayan
sasacupan na niting Capampanĝan.
Mag á las ochu na canita ing benĝi
bina nang tajimic at ala nang inge
qng metung nang dálan carin mépaliari
lugal á itman pangulu paique.
Metung yang gareta qng balen menibat
á cuculiutan da ding aduang damulag
paculiut caniti ibat yang minatad
mayumung pilunan qñg queang casamac.
Mesabing paculiut queang cabayangnan
lubus pang masican ing queang catauan
dapot ing pipintas luma ya panamdam
batulalanĝan pa queang panimanman.
