(10)
Ique pung calulu ala queng pigagap
nun é itang lub á tutung masampat
nung tingbangan músa maiguit pa qñg pilac
queque macaguiu na ita maguing ablas.
Iting mayupaya mipamulala ya
queti na aucul itang depatan na
ing pemaluca na é aliua pala
yang migmasaquit canitang anac na.
Qñg bista't man case maluca yang tau
qng mauling aldo é ca sisiguru
nung mirin panaun acua nang mibabo
ica ing milalam iya ing ducuan mu.
Uling mabandi ca ampon mayacayan.
pematacaran mu ing quecang degulan
depat mu milalu énaca petasan
nanan daralan na ning queang queinsacan.
Balu tang mausta iti mayayaquit
ing ugaling lalto queti babo sulip
nang nuya malati ita ni nang lubid
carin ya mapatad micauaning pilit.
Itan cune queni ban é lalambayan
Balita ng abuelat selese nun pilan
nung tin mang miniguit ó caya migculang
ipanupaya yu maliari cung utang.
UACAS
