Pālolo
Hoʻi ke aloha ai Pālolo
I ka ua Līlīlehua e kilihune nei
Ka ua no ia olu ka manaʻo
Hoʻoni aʻe nei i kuʻu puʻuwai
Kani a ka leo o ke kolohala
I ka ulu kukui honehone nei
Pumehana kāua i ke aloha
I ka pili i ke anu o ke kuahiwi
Ua lawa kāua e ke aloha
Honi iho nei hoʻi i ka puʻuwai
I laila no wau i ka pō nei
A ua paia kou puka i ka laka ia
Haʻina ʻia mai ana ka puana
I ka ua Līlīlehua e kilihune nei
|
This work is in the public domain in the United States because it was published before January 1, 1929.
The author died in 1950, so this work is also in the public domain in countries and areas where the copyright term is the author's life plus 70 years or less. This work may also be in the public domain in countries and areas with longer native copyright terms that apply the rule of the shorter term to foreign works. |