Pösod balid, telid e kilid

Du xäman komü sol^[1] cödel B., noel sembal änunodom tefü musam pelilöl fa om: abu in nunoden omik ädenuom so mödikna sepetis äsagob e äsagom, das fikulo päkapälom.

Konsälal no äplöpom kodön noeli kapälön fomi, me kel ämutom mekön noelami; täno söl cödel älovesumom blufi, ko sek suköl.

- O man oba, sagolös obes kulädiko kelosi äzitos.

- Si, söl oba, nedoto. Äsagob ome, das no ävilob labön svinili.

- Benö! kiom gepük oma ebinom?

- Esagom, das eibekipom svinili ple ob, e das om it...

- No, no,... memolös, das mutom i aipükön fomü pösod balid.

- No, ob ebinob pösod balid epüköl, o söl!

- Niludob, das mutol denusagön vödo gepüki oma; leno fomü pösod kilid.

- Pösod kilid nonik äsibinom us, o söl! - te om ed ob.

- Senitö! o man löfik! - no usagom: das äibekipom svinili: sod usagom nedoto: «Äibekipob svinili.»

- Fösefob, das nem onsa leno penömodom. Obs tel, o söl, no balämobs tefamü din et. Pösod kilid no äsibinom us; ed if bos pesagos-la dö ons, emutoböv elilön etosi!

A. M.

Se Nunal nulik 1892, Nüm: 2, Pad: 7.

1. Bükapök; pla: söl.