Ostpreussische Sagen und Schwänke/De ostpreuß'sche Maitrank

Twe Königsberger Professore,
De ener wär am Rhein gedoft,
Noah Juditte spazöre ginge,
Om recht to schnappe frösche Loft.

Trotz Wonnemonat Mai on Lerche
Keem von de See e kohler Wind,
So dat de twe gelehrte Herres
Den Weg verfolgte sehr geschwind.

Se ginge dorch de Kusselfichte
Tom Gasthus „Park Luisenthal“
On sädde sick, om uttoruhe,
Hier gliek an enem Döschke doahl.

„Was trinken wir, Herr Amtsgenosse?“
„Ein Gläschen Maitrank, denke ich!“
„Zwei Glas ostpreuß'schen Maitrank, Kellner,
Ein Schnäpschen vorher noch für mich!“

De Königsberger drunk dat Schnäpsken,
Dann keme de twe Gläser an.
„Der dampft ja!“ seggt erstaunt der andre.
„So trinkt ihn hierorts jedermann!“

Nu drunke's denn, de ut dem Rheinland
Sien Näs' anfänglich kruste sehr,
Doch schmeckt et em, obgliek he meente,
De Maitrank wär doch etwas schwer.

[059]Op enem Been ös schlecht to stoahne,
Drom nehm e zweitet Glas man noch,
On denn noch ent, ock noch dat vörde,
Biem föfte aber schlotes doch.

Am nächste Dag had de vom Rheinstrom
E Kopp wie ene Körcheglock.
On schömpt op dem ostpreuß'sche Maitrank,
Dat ös nämlich e stiewer Grog.