Ostpreussische Sagen und Schwänke/Dat Gespenst

From Wikisource
Jump to navigation Jump to search
<-- Sönd de Ostpreuße grob? Ostpreussische Sagen und Schwänke 1870 mötgemoakt -->

Ön dem Lingederp'sche Gasthus
Wurd gedrunke on gerookt
On vertelld mank Schuurgeschichte,
Wie et hier on da gespookt.

Schnell verging dabi de Awend,
Gruslig allen wär to Mot,
Deshalw jeder noch e Schnäpske
Hinder siene Binde got.

Alle toalde öhre Zeche
On verleete denn dem Krog,
Uck de Flescher Hinz ut Wehlau
Ging noah Hus, als älf et schlog.

Grurig hield e scharper Harwstwind,
Raweduster wär de Nacht,
Hinz kunn nur sehr wenig sehne
On nehm sick deshalw ön acht.

Op dem halwe Weg keem plötzlich
Etwat Wittet op em to,
Blew he stoahne, ging he wieder,
Moakt et noah em ewenso.

Dat ös e Gespenst, he dochte,
Koler Schwitz brok bi em ut,
[053]Vör Entsetze öwerleep em
Ene ganze Gänsehut.

Doch he zwung sick on säd: „Gottsnoam!“
Ging möt grotem Mot dann vör:
Wat he als Gespenst gehole
Blos e loamer Schömmel wär.