On virtuos
Jump to navigation
Jump to search
Gioann Ventura (1801-1869)
On virtuos
I mè parent incà, de piscinin,
han stimaa ben de no insegnamm nagott;
ma, quand m'han miss a studïà 'l latin
hoo imparaa minga mal a fà 'l rabott.
A des ann sera on fior de bericchin,
e on fior de ginginett sera ai desdott;
quand, finalment, pensand al mè destin,
me sont decis de fà 'l spazza-baslott.
Fors marsciva in del fondegh d'on mercant,
se no ghe capitava a scorlimm sù
ona bella miee d'on bass-cantant!
Lee la m'ha miss l'ingegn a tu per tu!
Lee la m'ha daa quàtter lezion de cant;
e, adess, stordissi con la mia virtù!