On oltar mistee bon!

Federico Bussi

On oltar mistee bon!
Toni, sentii, fermevas on pitin.
Sont naa dent ancamì in d'ona Lista.
Da bon? Da bon! Sa na cuntee Pidrin!
Ma l'è nò 'me la vosta... socialista.

Va raccomandi, citto col sacrista,
con tutti quij che porta ol baldacchin;
col scior Curaa, don Carlo e don Battista,
parchè sont naa in la Lista dol Ciapin!

A l'è na Lista d'ona Associazion,
dove gh'è sempar pan, sempar pitanza,
ma bœugna scassà fœu la Religion.

Soo già sa l'è: ga disan fraa-masson.
A fà sto fraa sa va drizz all'inferno...
incœu... parò... l'è on oltar mistee bon.