On mistee bon!
Jump to navigation
Jump to search
Federico Bussi
On mistee bon!
(1908)
Tognella, vignii scià, disii on poo su,
sii dent in quai Partii? E inscì? Perchè?
Parchè va vedi che me fii ol depù!
Sa fuss naa dent, par quest sa gh'è?
O crincio, vardee mò, parii pu vu,
ma piasariss mai tant on poo savé
sa g'hii quai novitaa? Che roba a l'è?
Sa l'è quacoss da bon, disemal su.
Insomma, a vu v'al disi e citto lì...
sont sospettaa e son tegnuu da pista...
guardemm sa gh'è nissun ca pò sentì...
Parchè m'han tiraa dent in d'ona lista
da vess on gran scioron on quai bell dì.
Madoi! L'è on mistee bon! Sì... ol Socialista!