On insult

Speri Della Chiesa Jemoli (1865-1946)‎

On insult

de Vers... de lira (1932)

- Siché, cuntee 'n poo su come l'è stada:
l'è vera quel ch'han ditt i testimoni:
che in piazza, l'altra sera, al Carlantoni
hii faa per refilàgh na cortellada?...

- Scior sì... ma 'l l'eva poeu 'nca meritada!
Parché mi sont inscì: mi ga perdoni
sa fuss da dimm quelonque sia demoni...
(son giusta mi, par ciàcciar, vun ca fiada!)

s'al m'hess vuu dij magaria... tocch da coll!...
Baloss!... Poffatt!... Malpàga!... Scorlacò!...
Fin lì gh'ess responduu cont i parol..

Ma quel da nà a firímm propi in r'onor!...
- Pucciasca! s'el v'ha dit de pêg anmò?
- No 'l gh'ha vuu coeur da dimm... commendator?!