On bon parer
Tosann, ve doo on parer: se in sto temp chì
gh'havii di dubbi su la scelta fada
de quell che poeu sarà voster marì,
se vorii minga fa ona bozzarada,
tastegh el pols disens: - Te l'hee compraa
el Prestit Nazional? Coss t'hee impiegaa?
S'el dis de sì, tosann, sposovel pur;
gh'è pu de dubbi de sbaglià 'l canton:
l'è on bon partii, on galantom sicur,
che sa 'l so cunt, col coo sui spall de bon;
sposevel pur, l'è cert on italian
che merita, stee quiett la vostra.
S'el dis de no, e pesg, s'el lassa intend
che de fa 'l so dover nanca el se insogna,
o tosann, de reson ghe n'è de vend
per piantall sui du pee! Anzi, bisogna
digh in sul muso: - El va ben no per mi
on italian bastard compagn de ti!