On antipast de fidegh e laccett
Jump to navigation
Jump to search
Domenegh Balestree (1714-1780)
On antipast de fidegh e laccett
On antipast de fidegh e laccett,
o de busecca, o de salamm venaa;
e, sora tutt, on ris col cervellaa
cont on bon manz, minga de quell coi tett;
quatter baloss in moeuja, o quej polpett;
on stuadin ben cott e anch rescaldaa,
cont on piatt de pollaster pimentaa;
la soa insalatina; on pollinett;
bon stracchin vecc; bon formaj senza boeucc;
de la frutta madura e quej bombon,
cont on fiasch de quell vin che salta ai oeucc
fin dal temp che tiraven su i colzon
cont la ruzella e coi lazz ai genoeucc,
quest l'era el ver mangià di buseccon!