Olmish o‘tlig‘ orazidin burqa’ ul dildor subh...
Olmish o‘tlig‘ orazidin burqa’ ul dildor subh,
Tong emas, tortar falakka ohi otashbor subh.
Etkurur jon mujdasin gulzordin har dam sabo,
Ko‘yi sayri gulshan etmish ul maseh atvor subh.
Bir quyosh hajrida har tun bordurur mandek hazin,
Buki sorig‘ yuz uza ashkin sochib yig‘lor subh.
Demagilkim kun tulu’ aylab bo‘lur g‘oyib nujum,
Dilbarim ollida aylar naqdi jon iysor subh.
Hajr nomi zulmatig‘a sabr qil har hol ila,
Ko‘z yoritgung bir quyosh vaslidin iysovor subh.
Gar desong zahmat zilolidin topay shodoblig‘,
Yummag‘il andoqki nargis didai bedor subh.
Sorg‘orib ruxsori g‘amdin chok erur ko‘ksi agar,
Roji yanglig‘ bir quyosh mehrin nihon asror subh.
|
This work was published before January 1, 1929, and is in the public domain worldwide because the author died at least 100 years ago. |